خزين اكل بيتي — أسبوع

عن خزين اكل بيتي — أسبوع

خزين الأسبوع هو أصغر علبة خزين، ومعمول للبيت اللي عايز يجرّب الفكرة الأول أو محتاج يسدّ أسبوع من غير ما يملا الفريزر. جواه تمن أصناف بتغطي الأساسيات: بانيه وشيش طاووق وفرخة كاملة 2 كيلو، وطاجن بامية بنص كيلو لحمة، وكفتة، ونص كيلو ورق عنب، وصينية مكرونة بالبشاميل، ورولز وسمبوسة باللحمة والجبنة.

الفكرة إنك تستلمه طازة مقسّم ومتبّل، وتحطه في الفريزر على طول. كل صنف مكتوب جنبه حالته — ده على القلي، وده على الشوي، وده على التسوية — فأي يوم تطلّع اللي يناسب وقتك من غير تحضير ولا تتبيل ولا تقطيع. متجهّز لعيلة حوالي 4 أفراد، وبيتعمل بالطلب فمحتاج 3 أيام قبل الموعد.