خزين اكل بيتي — شهر

عن خزين اكل بيتي — شهر

خزين الشهر هو أكبر علبة بنعملها: ستاشر صنف في طلب واحد، فيهم فرختين كاملتين 2 كيلو للواحدة — واحدة متبلة على التسوية والتانية جاهزة للسلق — وكيلو بانيه وكيلو شيش طاووق وكيلو دبابيس، وطاجن بامية بنص كيلو لحمة، وطاجن خضار بالبشاميل فيه بسلة وجزر وبطاطس وكوسة ونص كيلو صدور فراخ، وصينية مكرونة بالبشاميل، وكيلو ورق عنب وكيلو ممبار على طبقين، ونوعين كفتة معاهم صلصة، ونص كيلو انتركوت للجريل، وعلبة رولز وسمبوسة كيلو، وخمس أرغفة حواوشي.

الفكرة إنك تخلص من سؤال «هنعمل إيه النهاره؟» شهر كامل. بيوصلك طازة مقسّم، وانت بتوزّعه على الفريزر وبتطلّع كل يوم اللي يناسب وقتك — فيه اللي محتاج تسخين بس، وفيه اللي على القلي أو الشوي أو التسوية، وكل صنف مكتوب جنبه حالته. متجهّز لعيلة حوالي 4 أفراد، ومحتاج 3 أيام قبل الموعد عشان الكمية دي تتعمل بنفس جودة الطلب العادي.